Mga Madalas Itanong

Upang maging kalipikado para sa pautang ng Flex Fund, dapat matugunan ng isang maliit na negosyo ang mga kinakailangang nakadetalye sa ibaba. Pakitandaan na ang maagang aplikasyon ay dapat tapusin at isumite ng may-ari ng negosyo na may pinakamalaking interes sa pagmamay-ari, at ang lahat ng may-aring may mahigit 20% na pagmamay-ari ay aatasang patunayan ang ibibigay na impormasyon. ​

Ang mga sumusunod na pamantayan ay ang pinakamababang kinakailangan upang maituring na kalipikado ang isang negosyo o nonprofit para sa pautang sa ilalim ng programang ito: ​

• – Ang negosyo o nonprofit ay nagpapatrabaho dapat sa 50 o mas kaunting empleyado; ​
• – Nagnenegosyo na sa loob ng hindi bababa sa isang taon bago ang petsa ng aplikasyon ​
• – May gross na taunang kita na mas mababa sa $5 milyon ​
• – Nagpapakita ng kakayahang bayaran ang pautang ayon sa nakaraan at inaasahang daloy ng pera ​
• – May mga umiiral nang operasyon sa estado ng Washington

Nakikipagtulungan ang Washington Small Business Flex Fund 2 sa network ng mga nagpapahiram na nakabase sa komunidad na may mga dekadang karanasan sa pagtulong sa mga maliliit na negosyo at nonprofit ng Washington mula sa mga na komunidad na hindi sapat na napaglilingkuran at walang sapat na dami ng bangko. Matutulungan ka ng mga nagpapahiram sa komunidad na ito sa bawat hakbang sa proseso ng pag-utang. Layunin din ng Fund na bawasan ang mga hadlang sa mga pinansyal na mapagkukunan sa pamamagitan ng pag-aalis ng credit score o ng mga partikular na kinakailangang kolateral at origination fee na sinisingil dagdag pa sa mga bayarin sa pagsasara ng transaksyon (closing cost). Ang pondong inuutang ay maaaring gamitin sa anumang paraan depende sa mga pangangailangan at layunin ng iyong negosyo.

Walang kailangang partikular na kolateral upang maging kalipikado. Hindi mo kailangang magkaroon ng access sa anumang partikular na real estate o kagamitan. Gayunman, maghahain ng malawakang pang-una o pangalawang lien sa mga asset ng negosyo, at maaaring humiling ang iyong tagapagpautang ng karagdagang partikular na kolateral. Kailangan ang mga personal na garantiya para sa mga indibidwal na nagmamay-ari ng 20% o higit pa ng isang negosyo. ​

Oo, matatagpuan dapat sa Washington ang pangunahing tanggapan o lokasyon ng negosyong unang makikinabang sa pautang, at dapat isagawa sa Washington ang nilalayong paggamit sa makukuhang pondo. ​

Ang dahilan kung bakit naiiba ang Washington Small Business Flex Fund 2 ay ang network ng mga nonprofit na nagpapahiram na nakabase sa komunidad at mga tagapagbigay ng teknikal na tulong. Sa loob ng 40 taon, ang Community Development Financial Institutions (CDFIs) na ito ay itinalaga para tulungan ang mga lokal na maliliit na negosyo at nonprofit na umunlad. Itinatag ang CDFIs para matugunan ang mga natatanging pangangailangan ng mga komunidad na dati nang walang sapat na dami ng bangko at maraming taon ng karanasan sa pagpapahiram sa mga nanghihiram sa mga komunidad na ito.

Layunin ng mga pondong ibinibigay sa pamamagitan ng Washington Small Business Flex Fund 2 na palakasin ang mga komunidad at ang mga maliliit na negosyo at nonprofit na tumutulong sa mga ito para umunlad. Ang mga boluntaryong impormasyon tungkol sa background na ibinibigay ng humihiram sa paunang aplikasyon ay tumutulong sa amin na siguraduhing nakakaabot ang programa sa maliliit na lokal na negosyo na pinakanangangailangan ng pondo.

Kapag kinukumpleto mo ang talatanungan sa paunang aplikasyon sa website na ito, kung isa kang kwalipikadong nanghihiram, itutugma ka sa isang lokal na nagpapahiram na nakabase sa komunidad na puwedeng tumulong sa bawat hakbang sa buong aplikasyon ng pag-utang at ididirekta ka sa mga karagdagang teknikal na suporta.

36 hanggang 72 buwang termino ng pagbabayad
Manghiram ng hanggang $250,000
Ang mga interest rate ay kasalukuyang mula 8.5-11.5% depende sa tagal ng pag-utang*
Naka-fix na interest rate para sa buong panahon ng pag-utang
Walang multa sa pagbabayad
*Ang hanay ay 1-4% na mas mataas kaysa sa kasalukuyang WSJ prime rate na 7.5%, na isang pambansang basehang rate na tinutukoy ng 10 pinakamalalaking bangko sa U.S.

Ang mga pautang ng Washington Small Business Flex Fund 2 ay magagamit para sa malawak na hanay ng mga pangangailangan sa negosyo, kabilang na ang:​

• Pansuweldo ​
• – Renta at mga utility​
• – Pagpapaganda ng gusali​
• – Marketing at advertising​
• – Mga supply at iba pang gastusin sa negosyo​

Hindi maaaring gamitin ang mga pautang para sa:​

• – Mga passive na pamumuhunan sa real estate​
• – Mga pag-lobby​
• – Pagsali sa securities trading​
• – Mga aktibidad na ipinagbabawal ng batas na Pederal o ng estado ng Washington, o ilang partikular na ipinagbabawal na aktibidad. ​

Kailangan mong detalyehin ang inaasahang paggagamitan ng inuutang kapag kumpleto kang nag-apply sa nagpapahiram sa komunidad.

Dahil sa isang limitadong halaga ng available na pondo at sa inaasahang madaming paunang aplikasyon, inaasahan na hindi lahat ng mga aplikante ay makakautang. Isa pa, pakitandaan na ang pagsusumite ng isang paunang aplikasyon ay hindi isang pahiwatig ng pagiging kwalipikado at hindi nangangahulugang aaprubahan o mapondohan ang isang utang. May iba pang impormasyong hihingin sa buong aplikasyon sa itinugma sa iyong nanghihiram para malaman ang iyong pagiging kwalipikado sa pag-utang. Ang oras na kinakailangan para maproseso ang isang paunang aplikasyon ay nakadepende sa dami ng mga matatanggap na paunang aplikasyon ng naitugmang nagpapahiram sa komunidad.

Pagkakumpleto mo sa mabilisang talatanungan sa paunang aplikasyon sa website na ito, gagabayan ka ng itinugma sa iyo na nagpapahiram sa komunidad na makalap ang sumusunod na dokumentasyon para sa buong aplikasyon sa pag-utang:

• – Dalawang pinakahuling naihaing tax return, kung mayroon at iniaatas ng tagapagpautang; ​
• – Mga statement ng bangko at/o pinansiyal na statement na ginawa nang internal; ​
• – Impormasyon hinggil sa (mga) may-ari ng negosyo na may mahigit 20% na pagmamay-ari, kabilang na ang pangalan, address, Social Security Number (SSN), Employer Identification Number (EIN) o Individual Taxpayer Identification Number (ITIN), numero ng telepono, email, pagmamay-ari ayon sa porsiyento, at ID na may litrato; ​
• – Executed Attestation Form (Form ng Pinaiiral na Katibayan) (na ibibigay ng tagapagpautang mula sa komunidad); ​
• – Ebidensiya ng legal na impormasyon ng entidad ng negosyo o nonprofit (hal., mga artikulo ng incorporation at mga bylaw); ​
• – Personal na garantiya (para lang sa mga negosyo); at ​
• – Iba pang dokumentasyong iniaatas ng tagapagpautang mula sa komunidad o pagkatapos mag-apply ​

Makikipag-ugnayan sa iyo ang isang nakikibahaging nagpapahiram sa komunidad para kolektahin ang kinakailangang dokumentasyon, magsagawa ng anumang credit check, at tapusin ang buong proseso ng pagsusuri sa aplikasyon.

Ang mga di-kalipikadong negosyo ay: ​

• – Mga negosyo o kompanya ng cannabis na sumasali sa mga aktibidad na ipinagbabawal ng pederal na batas o karampatang batas sa hurisdiksiyon kung saan matatagpuan ang negosyo; ​
• – Mga passive na pamumuhunan sa real estate o pagbili ng securities ​
• – Mga kompanyang sumasali sa mga pag-lobby o pyramid sales scheme ​
• – Mga pasilidad na pangunahing ginagamit para sa pagsusugal o upang mangasiwa ng sugal ​
• – Mga negosyong sumasali sa mga tsambahang aktibidad na nagpapaunlad ng kita mula sa pagbabago-bago ng presyo sa halip na sa pamamagitan ng normal na kalakalan, gaya ng commodity futures trading o passive na pamumuhunan sa real estate ​
• – Mga negosyong kumikita nang mahigit sa kalahati ng taunang netong kita ng mga ito mula sa pagpapautang, maliban kung para sa mga Community Development Financial Institution (Institusyong Pinansiyal para sa Kaunlaran ng Komunidad) at Pantribong enterprise na hindi mga institusyon para sa pagdedeposito o kompanyang namamahala ng bangko ​
• – Mga negosyong naghahangad na bayaran ang mga delingkuwenteng pederal o pang-estadong buwis sa income, maliban na lang kung ang maliit na negosyong nanghihiram ay may nakatalagang plano ng pagbabayad sa kinauukulang tagapagbuwis

Ang Washington Small Business Flex Fund 2 ay HINDI isang programa ng mapapatawad na utang. Kailangang bayaran ng nanghihiram ang buong halaga ng utang nang may interes sa loob ng 3-6 na taong termino, depende sa utang.

Kapag hindi ka nakabayad ng utang sa takdang oras, puwede kang singilin ng dagdag na bayarin sa pagiging huli sa halagang tutukuyin ng nagpapahiram na nakabase sa komunidad. Ang hindi pagbabayad ay maaaring magresulta sa pagdeklara na na-default ang utang. Sa panahon ng buong proseso ng aplikasyon sa pag-utang, tatalakayin ng iyong nagpapahiram sa komunidad ang kabuuan ng mga tuntunin ng iyong kasunduan sa pag-utang para tiyakin na nauunawaan mo ang mga detalye tungkol sa pagbabayad nang huli at default.

Oo, kapag pinunan mo ang talatanungan sa paunang aplikasyon sa Washington Small Business Flex Fund 2, kahit pa hindi tugma ang iyong negosyo sa mga kasalukuyang pamantayan ng isang nagpapahiram, puwede ka pa ring maitugma sa isang nagbibigay ng teknikal na tulong ng programa. Pakisiguradong lagyan ng check ang mga karagdagang kategorya ng suporta na hinahanap mo kapag nagpupuno ng talatanungan para sa paunang aplikasyon. Kapag nahanap mo na ang suportang kailangan mo, puwede kang magsagawa ulit ng paunang aplikasyon para sa isang pagtutugma ng nagpapahiram sa ibang pagkakataon.

Hindi. Bagaman nagpapatupad ang programa ng minimum na pamantayan sa pagiging kwalipikado na kinakailangan para sa paunang aplikasyon (halimbawa, hindi bababa sa isang taong mga operasyon, mas kakaunti sa 50 empleyado, wala pang $5 milyong taunang kita), mayroon ding sariling mga pamantayan sa pagpapahiram ang mga kalahok na nagpapahiram sa komunidad.

Ang isang aplikante na hindi nakakatugon sa mga pamantayan na itinakda ng mga nagpapahiram ay hindi maitutugma at aalukan na itugma na lang sa isang tagapagbigay ng teknikal na tulong sa programa, basta’t lalagyan nila ng check ang mga karagdagang kategorya ng suporta habang pinupunan nila ang pre-application form. Naghahanap ang programa ng isang sari-saring grupo ng mga nakikilahok na nagpapahiram na nag-aalok ng pinakamalawak na posibleng saklaw sa iba’t ibang heograpiya, industriya, at iba pang salik para makamit ang pinakamataas na posibleng dami ng pagtutugma sa mga aplikante sa paunang aplikasyon ng programa.