ਅਕਸਰ ਪੁੱਛੇ ਜਾਣ ਵਾਲੇ ਸਵਾਲ

Washington Small Business Flex Fund 2 (ਵਾਸ਼ਿੰਗਟਨ ਸਮਾਲ ਬਿਜ਼ਨੈਸ ਫਲੈਕਸ ਫੰਡ 2) ਲੋਨ ਲੈਣ ਲਈ ਕਿਸ ਕਿਸਮ ਦੇ ਕਾਰੋਬਾਰ ਯੋਗ ਹਨ?

Flex Fund ਲੋਨ ਵਾਸਤੇ ਯੋਗ ਹੋਣ ਲਈ, ਇੱਕ ਛੋਟੇ ਕਾਰੋਬਾਰ ਨੂੰ ਹੇਠਾਂ ਦਿੱਤੀਆਂ ਸ਼ਰਤਾਂ ਨੂੰ ਪੂਰਾ ਕਰਨਾ ਪਵੇਗਾ। ਕਿਰਪਾ ਕਰਕੇ ਨੋਟ ਕਰੋ ਕਿ ਕਾਰੋਬਾਰ ਵਿੱਚ ਸਭ ਤੋਂ ਵੱਧ ਮਲਕੀਅਤ ਵਾਲੇ ਮਾਲਕ ਨੂੰ ਪ੍ਰੀ-ਐਪਲੀਕੇਸ਼ਨ ਨੂੰ ਪੂਰਾ ਕਰਕੇ ਜਮ੍ਹਾਂ ਕਰਵਾਉਣਾ ਪਵੇਗਾ ਅਤੇ 20% ਤੋਂ ਵੱਧ ਮਲਕੀਅਤ ਵਾਲੇ ਸਾਰੇ ਮਾਲਕਾਂ ਨੂੰ ਪ੍ਰਦਾਨ ਕੀਤੀ ਗਈ ਜਾਣਕਾਰੀ ਦੀ ਤਸਦੀਕ ਕਰਨ ਦੀ ਲੋੜ ਪਵੇਗੀ। ​

ਇਸ ਪ੍ਰੋਗਰਾਮ ਦੇ ਅਧੀਨ ਲੋਨ ਵਾਸਤੇ ਯੋਗ ਮੰਨੇ ਜਾਣ ਲਈ ਕਾਰੋਬਾਰ ਜਾਂ ਗੈਰ-ਲਾਭਕਾਰੀ ਸੰਗਠਨ ਲਈ ਘੱਟੋ-ਘੱਟ ਹੇਠਾਂ ਦਿੱਤੇ ਮਾਪਦੰਡ ਲੋੜੀਂਦੇ ਹਨ: ​

  • – ਕਾਰੋਬਾਰ ਜਾਂ ਗੈਰ-ਲਾਭਕਾਰੀ ਸੰਗਠਨ ਵਿੱਚ 50 ਜਾਂ ਘੱਟ ਕਰਮਚਾਰੀ ਹੋਣੇ ਚਾਹੀਦੇ ਹਨ; ​
  • – ਲੋਨ ਲਈ ਐਪਲੀਕੇਸ਼ਨ ਦੇਣ ਦੇ ਸਮੇਂ ਤੋਂ ਘੱਟੋ-ਘੱਟ ਇੱਕ ਸਾਲ ਪਹਿਲਾਂ ਤੋਂ ਕਾਰੋਬਾਰ ਚੱਲ ਰਿਹਾ ਹੋਣਾ ਚਾਹੀਦਾ ਹੈ ​
  • – ਸਾਲਾਨਾ ਆਮਦਨ $5 ਮਿਲੀਅਨ ਤੋਂ ਘੱਟ ਹੋਣੀ ਚਾਹੀਦੀ ਹੈ ​
  • – ਪਿਛਲੇ ਅਤੇ ਅਨੁਮਾਨਿਤ ਨਕਦ ਪ੍ਰਵਾਹ ਦੁਆਰਾ ਕਰਜ਼ੇ ਦੀ ਅਦਾਇਗੀ ਕਰਨ ਦੀ ਕਾਬਲੀਅਤ ਦਿਖਣੀ ਚਾਹੀਦੀ ਹੈ ​
  • – ਵਾਸ਼ਿੰਗਟਨ ਰਾਜ ਵਿੱਚ ਕੰਮ-ਕਾਜ ਚੱਲ ਰਿਹਾ ਹੋਣਾ ਚਾਹੀਦਾ ਹੈ

ਇਹ ਪ੍ਰੋਗਰਾਮ ਦੂਜੇ ਲੋਨ ਫੰਡ ਨਾਲੋਂ ਕਿਵੇਂ ਅਲੱਗ ਹੈ?

ਵਾਸ਼ਿੰਗਟਨ ਛੋਟਾ ਕਾਰੋਬਾਰ ਫਲੈਕਸ ਫੰਡ 2 ਕੋਲ ਭਾਈਚਾਰਾ-ਅਧਾਰਿਤ ਰਿਣਦਾਤਾਵਾਂ ਦਾ ਨੈੱਟਵਰਕ ਹੈ ਜਿਨ੍ਹਾਂ ਕੋਲ ਘੱਟ ਸੇਵਾਵਾਂ ਪ੍ਰਾਪਤ ਅਤੇ ਘੱਟ ਬੈਂਕਿੰਗ ਸੇਵਾਵਾਂ ਪ੍ਰਾਪਤ ਭਾਈਚਾਰਿਆਂ ਵਿੱਚ ਵਾਸ਼ਿੰਗਟਨ ਦੇ ਛੋਟੇ ਕਾਰੋਬਾਰਾਂ ਅਤੇ ਗੈਰ-ਮੁਨਾਫਾ ਸੰਸਥਾਵਾਂ ਦੀ ਮਦਦ ਕਰਨ ਦਾ ਦਹਾਕਿਆਂ ਦਾ ਤਜਰਬਾ ਹੈ। ਇਹ ਭਾਈਚਾਰਕ ਰਿਣਦਾਤਾ ਕਰਜ਼ਾ ਪ੍ਰਕਿਰਿਆ ਦੇ ਹਰ ਕਦਮ ਵਿੱਚ ਤੁਹਾਡੀ ਸਹਾਇਤਾ ਕਰ ਸਕਦੇ ਹਨ। ਫੰਡ ਦਾ ਉਦੇਸ਼ ਕ੍ਰੈਡਿਟ ਸਕੋਰ ਜਾਂ ਖਾਸ ਜ਼ਮਾਨਤੀ ਲੋੜਾਂ ਅਤੇ ਮੁਕੰਮਲੀ ਫਈਸਾਂ ਤੋਂ ਇਲਾਵਾ ਲਗਾਏ ਗਏ ਮੂਲ ਫੀਸ ਨੂੰ ਹਟਾ ਕੇ ਵਿੱਤੀ ਸਰੋਤਾਂ ਦੀਆਂ ਰੁਕਾਵਟਾਂ ਨੂੰ ਘਟਾਉਣਾ ਵੀ ਹੈ। ਕਰਜ਼ੇ ਦੀ ਫੰਡਿੰਗ ਤੁਹਾਡੇ ਕਾਰੋਬਾਰ ਦੀਆਂ ਲੋੜਾਂ ਅਤੇ ਟੀਚਿਆਂ ਮੁਤਾਬਕ ਲਚਕਦਾਰ ਤਰੀਕੇ ਨਾਲ ਖਰਚ ਕੀਤੀ ਜਾ ਸਕਦੀ ਹੈ।

ਕੀ ਮੈਨੂੰ ਕੋਈ ਕੀਮਤੀ ਚੀਜ਼ ਗਹਿਣੇ ਰੱਖਣੀ ਪਵੇਗੀ?

ਯੋਗ ਹੋਣ ਲਈ ਕੋਈ ਵੀ ਕੀਮਤੀ ਚੀਜ਼ ਗਹਿਣੇ ਰੱਖਣ ਦੀ ਲੋੜ ਨਹੀਂ ਹੈ। ਤੁਹਾਨੂੰ ਕਿਸੇ ਖਾਸ ਸੰਪੱਤੀ ਜਾਂ ਉਪਕਰਣ ਦੀ ਵੀ ਲੋੜ ਨਹੀਂ ਹੈ। ਹਾਲਾਂਕਿ, ਕਾਰੋਬਾਰੀ ਸੰਪੱਤੀਆਂ ਉੱਤੇ ਸਮੁੱਚਾ ਪਹਿਲਾ ਜਾਂ ਦੂਜਾ ਅਧਿਕਾਰ ਦਾਇਰ ਕੀਤਾ ਜਾਵੇਗਾ, ਅਤੇ ਤੁਹਾਡਾ ਰਿਣਦਾਤਾ ਕੋਈ ਹੋਰ, ਖਾਸ ਚੀਜ਼ ਗਹਿਣੇ ਰੱਖਣ ਲਈ ਬੇਨਤੀ ਕਰ ਸਕਦਾ ਹੈ। ਕਾਰੋਬਾਰ ਵਿੱਚ 20% ਜਾਂ ਇਸ ਤੋਂ ਵੱਧ ਦੀ ਮਲਕੀਅਤ ਵਾਲੇ ਵਿਅਕਤੀਆਂ ਲਈ ਨਿੱਜੀ ਗਰੰਟੀ ਦੀ ਲੋੜ ਪਵੇਗੀ। ​

ਕੀ ਇਸ ਲੋਨ ਵਾਸਤੇ ਅਪਲਾਈ ਕਰਨ ਲਈ ਮੇਰਾ ਕਾਰੋਬਾਰ ਵਾਸ਼ਿੰਗਟਨ ਵਿੱਚ ਆਧਾਰਿਤ ਹੋਣਾ ਜ਼ਰੂਰੀ ਹੈ?

ਹਾਂ, ਮੁੱਖ ਦਫਤਰ ਜਾਂ ਕਾਰੋਬਾਰ ਦਾ ਸਥਾਨ ਜੋ ਮੁੱਖ ਤੌਰ ‘ਤੇ ਲੋਨ ਦਾ ਲਾਭ ਲੈ ਰਿਹਾ ਹੈ, ਉਹ ਵਾਸ਼ਿੰਗਟਨ ਵਿੱਚ ਸਥਿਤ ਹੋਣਾ ਚਾਹੀਦਾ ਹੈ ਅਤੇ ਲੋਨ ਦੀ ਰਕਮ ਦੀ ਇੱਛਤ ਵਰਤੋਂ ਵਾਸ਼ਿੰਗਟਨ ਵਿੱਚ ਕੀਤੀ ਜਾਣੀ ਚਾਹੀਦੀ ਹੈ। ​

ਸਥਾਨਕ, ਕਮਿਊਨਿਟੀ-ਆਧਾਰਿਤ ਰਿਣਦਾਤਾ ਕੌਣ ਹਨ?

ਵਾਸ਼ਿੰਗਟਨ ਛੋਟਾ ਕਾਰੋਬਾਰ ਫਲੈਕਸ ਫੰਡ 2 ਸੱਚਮੁੱਚ ਵਿਲੱਖਣ ਹੈ ਕਿਉਂਕਿ ਇਹ ਗੈਰ-ਮੁਨਾਫਾ, ਭਾਈਚਾਰਾ-ਆਧਾਰਿਤ ਰਿਣਦਾਤਿਆਂ ਅਤੇ ਤਕਨੀਕੀ ਸਹਾਇਤਾ ਪ੍ਰਦਾਤਾਵਾਂ ਦਾ ਇੱਕ ਨੈੱਟਵਰਕ ਹੈ। 40 ਸਾਲਾਂ ਤੋਂ ਵੱਧ ਸਮੇਂ ਤੋਂ, ਇਹ ਭਾਈਚਾਰਕ ਵਿਕਾਸ ਵਿੱਤੀ ਸੰਸਥਾਵਾਂ (Community Development Financial Institutions – CDFIs) ਸਥਾਨਕ ਛੋਟੇ ਕਾਰੋਬਾਰਾਂ ਅਤੇ ਗੈਰ-ਮੁਨਾਫਾ ਸੰਸਥਾਵਾਂ ਦੀ ਤਰੱਕੀ ਵਿੱਚ ਸਹਾਇਤਾ ਕਰਨ ਲਈ ਸਮਰਪਿਤ ਰਹੇ ਹਨ। ਇਹ CDFI ਇਤਿਹਾਸਕ ਤੌਰ ‘ਤੇ ਬੈਂਕ ਸੇਵਾਵਾਂ ਤੋਂ ਵਾਂਝੇ ਭਾਈਚਾਰਿਆਂ ਦੀਆਂ ਵਿਲੱਖਣ ਜ਼ਰੂਰਤਾਂ ਪੂਰੀਆਂ ਕਰਨ ਲਈ ਮੌਜੂਦ ਹਨ ਅਤੇ ਇਨ੍ਹਾਂ ਭਾਈਚਾਰਿਆਂ ਵਿੱਚ ਉਧਾਰ ਲੈਣ ਵਾਲਿਆਂ ਨੂੰ ਕਰਜ਼ਾ ਦੇਣ ਦਾ ਸਾਲਾਂ ਦਾ ਤਜਰਬਾ ਰੱਖਦੇ ਹਨ।

ਐਪਲੀਕੇਸ਼ਨ ਵਿੱਚ ਮੇਰੇ ਨਿੱਜੀ ਪਿਛੋਕੜ ਬਾਰੇ ਕਿਉਂ ਪੁੱਛਿਆ ਗਿਆ ਹੈ?

ਵਾਸ਼ਿੰਗਟਨ ਛੋਟਾ ਕਾਰੋਬਾਰ ਫਲੈਕਸ ਫੰਡ 2 ਰਾਹੀਂ ਪ੍ਰਦਾਨ ਕੀਤੀ ਗਈ ਫੰਡਿੰਗ ਦਾ ਉਦੇਸ਼ ਭਾਈਚਾਰਿਆਂ ਅਤੇ ਉਨ੍ਹਾਂ ਛੋਟੇ ਕਾਰੋਬਾਰਾਂ ਅਤੇ ਗੈਰ-ਮੁਨਾਫਾ ਸੰਸਥਾਵਾਂ ਨੂੰ ਮਜ਼ਬੂਤ ਬਣਾਉਣਾ ਹੈ ਜੋ ਉਨ੍ਹਾਂ ਦੀ ਤਰੱਕੀ ਵਿੱਚ ਸਹਾਇਤਾ ਕਰਦੇ ਹਨ। ਪੂਰਵ-ਅਰਜ਼ੀਦਾਰਾਂ ਦੁਆਰਾ ਸਵੈ-ਇੱਛਕ ਰੂਪ ਵਿੱਚ ਪ੍ਰਦਾਨ ਕੀਤੀ ਗਈ ਪਿਛੋਕੜ ਜਾਣਕਾਰੀ ਇਹ ਯਕੀਨੀ ਬਣਾਉਣ ਵਿੱਚ ਸਾਡੀ ਸਹਾਇਤਾ ਕਰਦੀ ਹੈ ਕਿ ਪ੍ਰੋਗਰਾਮ ਉਨ੍ਹਾਂ ਛੋਟੇ, ਸਥਾਨਕ ਕਾਰੋਬਾਰਾਂ ਤੱਕ ਪਹੁੰਚ ਰਿਹਾ ਹੈ ਜਿਨ੍ਹਾਂ ਨੂੰ ਫੰਡਿੰਗ ਦੀ ਸਭ ਤੋਂ ਜ਼ਿਆਦਾ ਲੋੜ ਹੈ।

ਜੇਕਰ ਮੈਨੂੰ ਪੂਰੀ ਕਰਜ਼ਾ ਅਰਜ਼ੀ ਵਿੱਚ ਸਹਾਇਤਾ ਦੀ ਲੋੜ ਹੋਵੇ ਤਾਂ ਕੀ ਕਰਨਾ ਹੈ?

ਜਦੋਂ ਤੁਸੀਂ ਇਸ ਵੈੱਬਸਾਈਟ ‘ਤੇ ਪੂਰਵ-ਅਰਜ਼ੀ ਪ੍ਰਸ਼ਨਾਵਲੀ ਨੂੰ ਪੂਰਾ ਕਰਦੇ ਹੋ, ਅਤੇ ਜੇ ਤੁਸੀਂ ਇੱਕ ਯੋਗ ਉਧਾਰ ਲੈਣ ਵਾਲੇ ਹੋ, ਤਾਂ ਤੁਹਾਨੂੰ ਇੱਕ ਸਥਾਨਕ, ਭਾਈਚਾਰਾ-ਆਧਾਰਿਤ ਰਿਣਦਾਤਾ ਨਾਲ ਮਿਲਾਇਆ ਜਾਵੇਗਾ ਜੋ ਪੂਰੀ ਕਰਜ਼ਾ ਅਰਜ਼ੀ ਦੇ ਹਰ ਕਦਮ ਵਿੱਚ ਸਹਾਇਤਾ ਕਰ ਸਕਦਾ ਹੈ ਅਤੇ ਤੁਹਾਨੂੰ ਵਾਧੂ ਤਕਨੀਕੀ ਸਹਾਇਤਾ ਸੇਵਾਵਾਂ ਵੱਲ ਦਿਸ਼ਾ ਦੇ ਸਕਦਾ ਹੈ।

ਲੋਨ ਦੀਆਂ ਸ਼ਰਤਾਂ ਕੀ ਹਨ?

36 ਤੋਂ 72 ਮਹੀਨਿਆਂ ਦੀ ਅਦਾਇਗੀ ਦੀ ਸਮਾਂ-ਸੀਮਾ
$250,000 ਤੱਕ ਕਰਜ਼ਾ ਲਓ
ਵਿਆਜ ਦੇ ਦਰ ਵਰਤਮਾਨ ਵਿੱਚ ਕਰਜ਼ੇ ਦੀ ਲੰਬਾਈ ਦੇ ਆਧਾਰ ‘ਤੇ 8.5-11.5% ਦੇ ਵਿਚਕਾਰ ਹਨ*
ਕਰਜ਼ੇ ਦੀ ਪੂਰੀ ਮਿਆਦ ਲਈ ਸਥਿਰ ਵਿਆਜ ਦਰ
ਪੂਰਵ-ਅਦਾਇਗੀ ਉੱਤੇ ਕੋਈ ਜੁਰਮਾਨਾ ਨਹੀਂ
*ਇਹ ਰੇਂਜ 7.5% ਦੇ ਮੌਜੂਦਾ WSJ ਪ੍ਰਾਈਮ ਰੇਟ ਤੋਂ 1-4% ਉੱਪਰ ਹੈ, ਜੋ ਇੱਕ ਰਾਸ਼ਟਰੀ ਅਧਾਰ ਦਰ ਹੈ ਜੋ 10 ਸਭ ਤੋਂ ਵੱਡੇ ਅਮਰੀਕੀ ਬੈਂਕਾਂ ਦੁਆਰਾ ਨਿਰਧਾਰਿਤ ਕੀਤੀ ਗਈ ਹੈ।

ਲੋਨ ਦੀ ਵਰਤੋਂ ਕਿਸ ਕੰਮ ਲਈ ਕੀਤੀ ਕਾ ਸਕਦੀ ਹੈ?

Washington Small Business Flex Fund 2 ਲੋਨ ਦੀ ਵਰਤੋਂ ਕਾਰੋਬਾਰ ਦੀਆਂ ਅਨੇਕਾਂ ਲੋੜਾਂ ਨੂੰ ਪੂਰਾ ਕਰਨ ਲਈ ਕੀਤੀ ਸਕਦੀ ਹੈ ਜਿਸ ਵਿੱਚ ਸ਼ਾਮਲ ਹਨ:​

  • ਤਨਖਾਹ ​
  • – ਕਿਰਾਇਆ ਅਤੇ ਬਿਜਲੀ-ਪਾਣੀ ਦੇ ਬਿਲ​
  • – ਬਿਲਡਿੰਗ ਵਿੱਚ ਸੁਧਾਰ ਜਾਂ ਮੁਰੰਮਤ​
  • – ਮਾਰਕੀਟਿੰਗ ਅਤੇ ਇਸ਼ਤਿਹਾਰਬਾਜ਼ੀ​
  • – ਸਪਲਾਈਆਂ ਅਤੇ ਹੋਰ ਕਾਰੋਬਾਰੀ ਖਰਚੇ​

ਲੋਨ ਦੀ ਵਰਤੋਂ ਇਹਨਾਂ ਕੰਮਾਂ ਲਈ ਨਹੀਂ ਕੀਤੀ ਜਾ ਸਕਦੀ:​

  • – ਪੈਸਿਵ ਰੀਅਲ ਅਸਟੇਟ ਵਿੱਚ ਨਿਵੇਸ਼​
  • – ਲੌਬੀ ਸੰਬੰਧੀ ਗਤੀਵਿਧੀਆਂ​
  • – ਸਿਕਿਉਰਿਟੀ ਟਰੇਡਿੰਗ ਵਿੱਚ ਭਾਗ ਲੈਣਾ​
  • – ਅਜਿਹੀਆਂ ਗਤੀਵਿਧੀਆਂ ਜੋ ਫੈਡਰਲ ਜਾਂ ਵਾਸ਼ਿੰਗਟਨ ਰਾਜ ਦੇ ਕਾਨੂੰਨ ਦੁਆਰਾ ਵਰਜਿਤ ਹਨ, ਜਾਂ ਕੁਝ ਹੋਰ ਵਰਜਿਤ ਗਤੀਵਿਧੀਆਂ। ​

ਜਦੋਂ ਤੁਸੀਂ ਭਾਈਚਾਰਕ ਰਿਣਦਾਤਾ ਨੂੰ ਪੂਰੀ ਅਰਜ਼ੀ ਦਿੰਦੇ ਹੋ ਤਾਂ ਤੁਹਾਨੂੰ ਕਰਜ਼ਾ ਦੀ ਰਕਮ ਦੇ ਪ੍ਰਸਤਾਵਿਤ ਵਰਤੋਂ ਦਾ ਵੇਰਵਾ ਦੇਣਾ ਲਾਜ਼ਮੀ ਹੋਵੇਗਾ।

ਜੇ ਇੱਕ ਪ੍ਰੋਗਰਾਮ ਰਿਣਦਾਤੇ ਨਾਲ ਮੇਰਾ ਮੇਲ ਹੁੰਦਾ ਹੈ, ਤਾਂ ਕੀ ਮੈਨੂੰ ਕਰਜ਼ਾ ਮਿਲੇਗਾ?

ਫੰਡਿੰਗ ਦੀ ਸੀਮਤ ਉਪਲਬਧਤਾ ਅਤੇ ਪੂਰਵ-ਅਰਜ਼ੀਆਂ ਦੀ ਵੱਧ ਅਨੁਮਾਨਿਤ ਗਿਣਤੀ ਦੇ ਕਾਰਨ, ਇਹ ਅਨੁਮਾਨ ਹੈ ਕਿ ਸਾਰੇ ਪੂਰਵ-ਅਰਜ਼ੀਦਾਤਾ ਕਰਜ਼ਾ ਪ੍ਰਾਪਤ ਨਹੀਂ ਕਰ ਸਕਣਗੇ। ਇਸ ਤੋਂ ਇਲਾਵਾ, ਕਿਰਪਾ ਕਰਕੇ ਧਿਆਨ ਦਿਓ ਕਿ ਪੂਰਵ-ਅਰਜ਼ੀ ਜਮ੍ਹਾਂ ਕਰਨਾ ਪਾਤਰਤਾ ਦਾ ਪ੍ਰਮਾਣ ਨਹੀਂ ਹੈ ਅਤੇ ਇਸਦਾ ਅਰਥ ਇਹ ਨਹੀਂ ਹੈ ਕਿ ਕਰਜ਼ਾ ਮਨਜ਼ੂਰ ਜਾਂ ਪ੍ਰਦਾਨ ਕੀਤਾ ਜਾਵੇਗਾ। ਕਰਜ਼ਾ ਲਈ ਤੁਹਾਡੀ ਯੋਗਤਾ ਨਿਰਧਾਰਿਤ ਕਰਨ ਲਈ ਤੁਹਾਡੇ ਮੇਲ ਖਾਂਦੇ ਰਿਣਦਾਤੇ ਦੇ ਨਾਲ ਤੁਹਾਡੀ ਪੂਰੀ ਅਰਜ਼ੀ ਵਿੱਚ ਹੋਰ ਜਾਣਕਾਰੀ ਦੀ ਮੰਗ ਕੀਤੀ ਜਾਵੇਗੀ। ਪੂਰਵ-ਅਰਜ਼ੀ ਦੀ ਪ੍ਰਕਿਰਿਆ ਕਰਨ ਦਾ ਸਮਾਂ ਮੇਲ ਖਾਂਦੇ ਭਾਈਚਾਰਕ ਰਿਣਦਾਤਾ ਦੁਆਰਾ ਪ੍ਰਾਪਤ ਪੂਰਵ-ਅਰਜ਼ੀਆਂ ਦੀ ਸੰਖਿਆ ‘ਤੇ ਨਿਰਭਰ ਕਰੇਗਾ।

Washington Small Business Flex Fund 2 ਲੋਨ ਲੈਣ ਲਈ ਕਿਹੜੀ ਜਾਣਕਾਰੀ ਲੋੜੀਂਦੀ ਹੋਵੇਗੀ?

ਜਦੋਂ ਤੁਸੀਂ ਇਸ ਵੈੱਬਸਾਈਟ ‘ਤੇ ਚੋਟੀ ਪੂਰਵ-ਅਰਜ਼ੀ ਪ੍ਰਸ਼ਨਾਵਲੀ ਪੂਰੀ ਕਰ ਲੈਂਦੇ ਹੋ, ਤਾਂ ਤੁਹਾਡਾ ਮੇਲ ਖਾਂਦਾ ਭਾਈਚਾਰਕ ਰਿਣਦਾਤਾ ਪੂਰੀ ਕਰਜ਼ਾ ਅਰਜ਼ੀ ਲਈ ਹੇਠਾਂ ਦਿੱਤੇ ਦਸਤਾਵੇਜ਼ ਇਕੱਠੇ ਕਰਨ ਵਿੱਚ ਤੁਹਾਡਾ ਮਾਰਗਦਰਸ਼ਨ ਕਰੇਗਾ:

  • – ਸਭ ਤੋਂ ਹਾਲ ਹੀ ਵਿੱਚ ਭਰੇ 2 ਟੈਕਸ ਰਿਟਰਨ, ਜੇਕਰ ਉਪਲਬਧ ਹਨ ਅਤੇ ਰਿਣਦਾਤਾ ਦੁਆਰਾ ਲੋੜੀਂਦੇ ਹਨ; ​
  • – ਬੈਂਕ ਸਟੇਟਮੈਂਟਾਂ ਅਤੇ/ਜਾਂ ਅੰਦਰੂਨੀ ਤੌਰ ‘ਤੇ ਤਿਆਰ ਵਿੱਤੀ ਸਟੇਟਮੈਂਟਾਂ; ​
  • – ਕਾਰੋਬਾਰ ਦੀ 20% ਤੋਂ ਵੱਧ ਮਲਕੀਅਤ ਵਾਲੇ ਮਾਲਕਾਂ ਬਾਰੇ ਜਾਣਕਾਰੀ, ਜਿਸ ਵਿੱਚ ਉਹਨਾਂ ਦਾ ਨਾਮ, ਪਤਾ, ਸੋਸ਼ਲ ਸਿਕਿਉਰਿਟੀ ਨੰਬਰ (SSN), ਇਮਪਲਾਇਰ ਆਈਡੈਂਟੀਫਿਕੇਸ਼ਨ ਨੰਬਰ (EIN) ਜਾਂ ਇੰਡੀਵੀਜੁਅਲ ਟੈਕਸਪੇਅਰ ਆਈਡੈਂਟੀਫਿਕੇਸ਼ਨ ਨੰਬਰ (ITIN), ਫ਼ੋਨ ਨੰਬਰ, ਈਮੇਲ, ਮਲਕੀਅਤ ਦੀ ਪ੍ਰਤੀਸ਼ਤ ਅਤੇ ਫ਼ੋਟੋ ID ਸ਼ਾਮਲ ਹੈ; ​
  • – ਐਗਜ਼ੀਕਿਊਟਡ ਅਟੈਸਟੇਸ਼ਨ ਫਾਰਮ (ਕਮਿਊਨਿਟੀ ਰਿਣਦਾਤਾ ਦੁਆਰਾ ਮੁਹੱਈਆ ਕੀਤਾ ਜਾਣਾ ਹੈ); ​
  • – ਕਾਰੋਬਾਰ ਜਾਂ ਗੈਰ-ਲਾਭਕਾਰੀ ਸੰਗਠਨ ਦੇ ਕਾਨੂੰਨੀ ਗਠਨ ਦਾ ਸਬੂਤ (ਜਿਵੇਂ ਕਿ, ਗਠਨ ਦਾ ਕਾਨੂੰਨੀ ਬਿਓਰਾ ਅਤੇ ਉਪ-ਨਿਯਮ); ​
  • – ਨਿੱਜੀ ਗਰੰਟੀ (ਸਿਰਫ਼ ਕਾਰੋਬਾਰਾਂ ਲਈ); ਅਤੇ ​
  • – ਐਪਲੀਕੇਸ਼ਨ ਦੇਣ ਦੇ ਸਮੇਂ ਜਾਂ ਬਾਅਦ ਵਿੱਚ ਕਮਿਊਨਿਟੀ ਰਿਣਦਾਤਾ ਦੁਆਰਾ ਲੋੜੀਂਦੇ ਹੋਰ ਦਸਤਾਵੇਜ਼ ​

ਤੁਹਾਡਾ ਮੇਲ ਖਾਂਦਾ ਭਾਈਚਾਰਕ ਰਿਣਦਾਤਾ ਲੋੜੀਂਦੇ ਦਸਤਾਵੇਜ਼ ਇਕੱਠੇ ਕਰਨ, ਕੋਈ ਵੀ ਕ੍ਰੈਡਿਟ ਜਾਂਚ ਕਰਨ ਅਤੇ ਪੂਰੀ ਅਰਜ਼ੀ ਸਮੀਖਿਆ ਪ੍ਰਕਿਰਿਆ ਨੂੰ ਅੰਤਿਮ ਰੂਪ ਦੇਣ ਲਈ ਤੁਹਾਡੇ ਨਾਲ ਸੰਪਰਕ ਕਰੇਗਾ।

ਲੋਨ ਲੈਣ ਲਈ ਕਿਸ ਕਿਸਮ ਦੇ ਕਾਰੋਬਾਰ ਯੋਗ ਨਹੀਂ ਹਨ?

ਅਜਿਹੇ ਕਾਰੋਬਾਰਾਂ ਯੋਗ ਨਹੀਂ ਹਨ: ​

  • – ਭੰਗ/ਗਾਂਜੇ ਨਾਲ ਜੁੜੇ ਕਾਰੋਬਾਰ ਜਾਂ ਅਜਿਹੀਆਂ ਗਤੀਵਿਧੀਆਂ ਨਾਲ ਜੁੜੇ ਸੰਗਠਨ ਜਿਹਨਾਂ ਉੱਤੇ ਫੈਡਰਲ ਦੇ ਕਾਨੂੰਨ ਜਾਂ ਜਿੱਥੇ ਕਾਰੋਬਾਰ ਸਥਿਤ ਹੈ ਉੱਥੇ ਦੇ ਅਧਿਕਾਰ ਖੇਤਰ ਵਿੱਚ ਲਾਗੂ ਕਾਨੂੰਨ ਦੁਆਰਾ ਪਾਬੰਦੀ ਲਗਾਈ ਗਈ ਹੈ; ​
  • – ਪੈਸਿਵ ਰੀਅਲ ਅਸਟੇਟ ਵਿੱਚ ਨਿਵੇਸ਼ ਜਾਂ ਸਿਕਿਉਰਿਟੀਜ਼ ਦੀ ਖਰੀਦ ​
  • – ਲੌਬੀ ਸੰਬੰਧੀ ਗਤੀਵਿਧੀਆਂ ਜਾਂ ਪਿਰਾਮਿਡ ਸੇਲ ਸਕੀਮਾਂ ਨਾਲ ਜੁੜੇ ਸੰਗਠਨ ​
  • – ਮੁੱਖ ਤੌਰ ‘ਤੇ ਜੂਏ ਲਈ ਜਾਂ ਜੂਏ ਦੀ ਸਹੂਲਤ ਲਈ ਵਰਤੇ ਜਾਣ ਵਾਲੇ ਸੰਗਠਨ ​
  • – ਸੱਟੇਬਾਜ਼ੀ ਦੀਆਂ ਗਤੀਵਿਧੀਆਂ ਨਾਲ ਜੁੜੇ ਕਾਰੋਬਾਰ ਜੋ ਵਪਾਰ ਦੇ ਆਮ ਤਰੀਕਿਆਂ ਦੀ ਬਜਾਏ ਕੀਮਤ ਵਿੱਚ ਹੋਣ ਵਾਲੇ ਵਾਧੇ-ਘਾਟੇ ਰਾਹੀਂ ਮੁਨਾਫ਼ਾ ਕਮਾਉਂਦੇ ਹਨ, ਜਿਵੇਂ ਕਿ ਕਮੋਡਿਟੀ ਫਿਊਚਰਜ਼ ਟਰੇਡਿੰਗ ਜਾਂ ਪੈਸਿਵ ਰੀਅਲ ਅਸਟੇਟ ਨਿਵੇਸ਼ ​
  • – ਕਮਿਊਨਿਟੀ ਡਿਵੈਲਪਮੈਂਟ ਵਿੱਤੀ ਸੰਸਥਾਵਾਂ ਅਤੇ ਟ੍ਰਾਈਬਲ ਇੰਟਰਪ੍ਰਾਇਜ਼ ਜੋ ਕਿ ਡਿਪਾਜ਼ਿਟਰੀ ਸੰਸਥਾਵਾਂ ਜਾਂ ਬੈਂਕ ਹੋਲਡਿੰਗ ਕੰਪਨੀਆਂ ਨਹੀਂ ਹਨ, ਉਹਨਾਂ ਤੋਂ ਇਲਾਵਾ ਅਜਿਹੇ ਕਾਰੋਬਾਰ ਜੋ ਕਰਜ਼ਾ ਦੇਣ ਵਾਲੀਆਂ ਗਤੀਵਿਧੀਆਂ ਰਾਹੀਂ ਆਪਣੀ ਅੱਧ ਤੋਂ ਵੱਧ ਸਾਲਾਨਾ ਆਮਦਨ ਕਮਾਉਂਦੇ ਹਨ ​
  • – ਅਜਿਹੇ ਕਾਰੋਬਾਰ ਜੋ ਫੈਡਰਲ ਜਾਂ ਰਾਜ ਦੇ ਬਕਾਇਆ ਇਨਕਮ ਟੈਕਸ ਦੀ ਅਦਾਇਗੀ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ, ਬਸ਼ਰਤੇ ਉਧਾਰ ਲੈਣ ਵਾਲੇ ਛੋਟੇ ਕਾਰੋਬਾਰ ਵਾਲੇ ਕਰਜ਼ਦਾਰ ਕੋਲ ਸੰਬੰਧਿਤ ਟੈਕਸ ਅਥਾਰਟੀ ਦੇ ਨਾਲ ਕੋਈ ਭੁਗਤਾਨ ਯੋਜਨਾ ਨਹੀਂ ਹੁੰਦੀ

ਕੀ Washington Small Business Flex Fund 2 ਲੋਨ ਮੁਆਫੀਯੋਗ ਹੈ?

ਵਾਸ਼ਿੰਗਟਨ ਛੋਟਾ ਕਾਰੋਬਾਰ ਫਲੈਕਸ ਫੰਡ 2 ਇੱਕ ਮੁਆਫੀਯੋਗ ਕਰਜ਼ਾ ਜਾਂ ਅਨੁਦਾਨ ਯੋਜਨਾ ਨਹੀਂ ਹੈ। ਕਰਜ਼ਾ ਦੇ ਮੁਤਾਬਕ, ਕਰਜ਼ਦਾਰ ਨੂੰ 3 ਤੋਂ 6 ਸਾਲਾਂ ਦੀ ਮਿਆਦ ਵਿੱਚ ਵਿਆਜ ਸਮੇਤ ਕਰਜ਼ੇ ਦੀ ਪੂਰੀ ਰਕਮ ਵਾਪਸ ਕਰਨੀ ਪਵੇਗੀ।

ਜੇਕਰ ਮੇਰਾ ਭੁਗਤਾਨ ਰਹਿ ਜਾਂਦਾ ਹੈ ਤਾਂ ਕੀ ਹੋਵੇਗਾ?

ਜੇਕਰ ਤੁਸੀਂ ਕਰਜ਼ੇ ਦੀ ਅਦਾਇਗੀ ਸਮੇਂ ਸਿਰ ਨਹੀਂ ਕਰਦੇ ਹੋ, ਤਾਂ ਭਾਈਚਾਰਾ-ਅਧਾਰਤ ਰਿਣਦਾਤੇ ਦੇ ਫੈਸਲੇ ਅਨੁਸਾਰ ਤੁਹਾਡੇ ਉੱਤੇ ਦੇਰੀ ਸ਼ੁਲਕ ਲਗਾਇਆ ਜਾ ਸਕਦਾ ਹੈ। ਅਦਾਇਗੀ ਵਿੱਚ ਨਾਕਾਮੀ ਦੇ ਨਤੀਜੇ ਵਜੋਂ ਕਰਜ਼ੇ ਨੂੰ ਡਿਫਾਲਟ ਘੋਸ਼ਿਤ ਕੀਤਾ ਜਾ ਸਕਦਾ ਹੈ। ਪੂਰੀ ਕਰਜ਼ਾ ਅਰਜ਼ੀ ਪ੍ਰਕਿਰਿਆ ਦੇ ਦੌਰਾਨ, ਤੁਹਾਡਾ ਭਾਈਚਾਰਾ-ਆਧਾਰਿਤ ਰਿਣਦਾਤਾ ਤੁਹਾਡੇ ਕਰਜ਼ਾ ਸਮਝੌਤੇ ਦੀਆਂ ਪੂਰੀਆਂ ਸ਼ਰਤਾਂ ਬਾਰੇ ਚਰਚਾ ਕਰੇਗਾ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਤੁਸੀਂ ਦੇਰੀ ਨਾਲ ਅਦਾਇਗੀ ਅਤੇ ਡਿਫਾਲਟ ਸੰਬੰਧੀ ਵੇਰਵਿਆਂ ਨੂੰ ਸਮਝੋ।

ਜੇਕਰ ਮੈਂ ਪਹਿਲੀ ਵਾਰ ਕਿਸੇ ਰਿਣਦਾਤੇ ਨਾਲ ਮੇਲ ਨਹੀਂ ਖਾਂਦਾ, ਤਾਂ ਕੀ ਮੈਂ ਦੁਬਾਰਾ ਪੂਰਵ-ਅਰਜ਼ੀ ਜਮ੍ਹਾਂ ਕਰ ਸਕਦਾ ਹਾਂ?

ਹਾਂ, ਜਦੋਂ ਤੁਸੀਂ ਵਾਸ਼ਿੰਗਟਨ ਛੋਟਾ ਕਾਰੋਬਾਰ ਫਲੈਕਸ ਫੰਡ 2 ਪੂਰਵ-ਅਰਜ਼ੀ ਪ੍ਰਸ਼ਨਾਵਲੀ ਭਰਦੇ ਹੋ, ਭਾਵੇਂ ਤੁਹਾਡਾ ਕਾਰੋਬਾਰ ਰਿਣਦਾਤੇ ਦੇ ਮੌਜੂਦਾ ਮਾਪਦੰਡਾਂ ਨਾਲ ਮੇਲ ਨਾ ਖਾਂਦਾ ਹੋਵੇ, ਤੁਸੀਂ ਫਿਰ ਵੀ ਪ੍ਰੋਗਰਾਮ ਤਕਨੀਕੀ ਸਹਾਇਤਾ ਪ੍ਰਦਾਤਾ ਨਾਲ ਮੇਲ ਖਾ ਸਕਦੇ ਹੋ। ਪੂਰਵ-ਅਰਜ਼ੀ ਦੀ ਪ੍ਰਸ਼ਨਾਵਲੀ ਭਰਦੇ ਸਮੇਂ ਕਿਰਪਾ ਕਰਕੇ ਵਾਧੂ ਸਹਾਇਤਾ ਅਤੇ ਸਰੋਤਾਂ ‘ਤੇ ਨਿਸ਼ਾਨ ਜ਼ਰੂਰ ਲਗਾਓ ਜਿਨ੍ਹਾਂ ਦੀ ਤੁਹਾਨੂੰ ਲੋੜ ਹੋ ਸਕਦੀ ਹੈ। ਜਦੋਂ ਤੁਸੀਂ ਆਪਣੀ ਲੋੜ ਦੀ ਸਹਾਇਤਾ ਲੱਭ ਲੈਂਦੇ ਹੋ, ਤਾਂ ਤੁਸੀਂ ਬਾਅਦ ਦੀ ਤਾਰੀਖ਼ ਵਿੱਚ ਰਿਣਦਾਤੇ ਨਾਲ ਮੇਲ ਲਈ ਦੁਬਾਰਾ ਪੂਰਵ-ਅਰਜ਼ੀ ਜਮ੍ਹਾਂ ਕਰ ਸਕਦੇ ਹੋ।

ਕੀ ਪੂਰਵ-ਅਰਜ਼ੀ ਨੂੰ ਪੂਰੀ ਕਰਨਾ ਇਸ ਗੱਲ ਦੀ ਗਾਰੰਟੀ ਦਿੰਦਾ ਹੈ ਕਿ ਪ੍ਰੋਗਰਾਮ ਰਿਣਦਾਤੇ ਨਾਲ ਮੇਰਾ ਮੇਲ ਹੋ ਜਾਵੇਗਾ?

ਨਹੀਂ। ਹਾਲਾਂਕਿ ਪ੍ਰੋਗਰਾਮ ਵਿੱਚ ਘੱਟੋ-ਘੱਟ ਯੋਗਤਾ ਮਾਪਦੰਡ ਅਪਣਾਏ ਗਏ ਹਨ ਜੋ ਪੂਰਵ-ਅਰਜ਼ੀ ਦੇਣ ਲਈ ਜ਼ਰੂਰੀ ਹਨ (ਉਦਾਹਰਨ ਲਈ, ਘੱਟੋ-ਘੱਟ ਇੱਕ ਸਾਲ ਦਾ ਸੰਚਾਲਨ, 50 ਤੋਂ ਘੱਟ ਕਰਮਚਾਰੀ, $5 ਮਿਲੀਅਨ ਤੋਂ ਘੱਟ ਸਾਲਾਨਾ ਆਮਦਨ), ਭਾਗੀਦਾਰ ਭਾਈਚਾਰਕ ਰਿਣਦਾਤੇ ਵੀ ਕਰਜ਼ਾ ਦੇ ਆਪਣੇ ਮਾਪਦੰਡ ਨਿਰਧਾਰਿਤ ਕਰਦੇ ਹਨ।

ਅਜਿਹਾ ਕੋਈ ਅਰਜ਼ੀਦਾਰ ਜੋ ਰਿਣਦਾਤਿਆਂ ਦੁਆਰਾ ਨਿਰਧਾਰਿਤ ਮਾਪਦੰਡਾਂ ਨੂੰ ਪੂਰਾ ਕਰਨ ਵਿੱਚ ਅਸਫਲ ਹੋ ਜਾਂਦਾ ਹੈ, ਉਸਨੂੰ ਮੇਲ ਨਹੀਂ ਮਿਲੇਗਾ ਅਤੇ ਇਸਦੀ ਬਜਾਏ ਪ੍ਰੋਗਰਾਮ ਤਕਨੀਕੀ ਸਹਾਇਤਾ ਪ੍ਰਦਾਤਾ ਨਾਲ ਮੇਲ ਕਰਨ ਦੀ ਪੇਸ਼ਕਸ਼ ਕੀਤੀ ਜਾਵੇਗੀ, ਬਸ਼ਰਤੇ ਪੂਰਵ-ਅਰਜ਼ੀ ਫਾਰਮ ਭਰਦੇ ਸਮੇਂ ਉਸਨੇ ਵਾਧੂ ਸਹਾਇਤਾ ਸ਼੍ਰੇਣੀਆਂ ਉੱਤੇ ਨਿਸ਼ਾਨ ਲਗਾਇਆ ਸੀ। ਇਹ ਪ੍ਰੋਗਰਾਮ ਭਾਗੀਦਾਰ ਰਿਣਦਾਤਿਆਂ ਦੇ ਇੱਕ ਵਿਭਿੰਨ ਸਮੂਹ ਦੀ ਭਾਲ ਕਰਦਾ ਹੈ ਜੋ ਭੂਗੋਲਿਕ ਖੇਤਰਾਂ, ਉਦਯੋਗਾਂ ਅਤੇ ਹੋਰ ਕਾਰਕਾਂ ਵਿੱਚ ਸਭ ਤੋਂ ਵਿਆਪਕ ਸੰਭਾਵਿਤ ਕਵਰੇਜ ਪ੍ਰਦਾਨ ਕਰਦੇ ਹਨ, ਤਾਂ ਜੋ ਪ੍ਰੋਗਰਾਮ ਪੂਰਵ-ਅਰਜ਼ੀਦਾਰਾਂ ਨਾਲ ਸਭ ਤੋਂ ਜ਼ਿਆਦਾ ਸੰਭਾਵਿਤ ਮੇਲ ਦਾ ਦਰ ਪ੍ਰਾਪਤ ਕੀਤੀ ਜਾ ਸਕੇ।